04/07/2013 08:51:38

Premtimi: do lënë mandatin e deputetit ministrat e Ramës ?

nga Doriana Metollari

TIRANE - Vërtet nuk do të kemi asnjë minister-deputet në Qeveri ? Premtimi i bërë nga Kryeministri i ri i shqiptarëve Edi Rama, do të diskutohet dhe në Asamblenë e Forumit Socialist dhe pse vendimi mund t'i përkasë më së shumti atij që emëron ministrat në detyrë.

Partia Socialiste mbledh të premten Asamblenë gjatë të cilës Rama pritet të marrë mandatimin nga ana e Forumit të lartë socialist, për qeverinë.

Tematika e mbledhjes nuk është njoftuar, por burime jozyrtare thonë se do flitet për aleancën me LSI-në dhe ndarjen e portofoleve qeveritare me përfaqësuesit e aleatëve që ishin pjesë e fitores së zgjedhjeve.

Në Asamble mund të diskutohet dhe për premtimin e famshëm elektoral. Asnjë deputet nuk mund të jetë ministër, kishte thënë Rama përfshi këtu dhe pozicionin e tij në Kryeministri, për të cilin ideatori i Rilndjes shqiptare ende nuk ka marrë një pozicion të prerë.

Këtu e deri në Shtator, kohë kur shqiptarët do të njihen me Qeverinë e tyre me siguri do të ketë shumë të reja që lidhen me rrugën e re politike dhe strategjitë ekonomike që i presin gjatë katër viteve të ardhshme.

Për momentin ka shumë hapësira brenda krahut të majtë që janë ende bosh, ndërsa elektorati i djathtë është në pritje të një lidershipi dhe vizioni të ri brenda partisë.

Qytetarët me në fund po jetojne një armëpushim mes dy poleve që merren me gjentjen e një ekulibri brenda vetes dhe më mes të kësaj Rilindja e premtuar është akoma Premtim.

HermesNews - ©2013

Dërgo me email | Stampo artikullin